Injil Suci Miturut St. Markus ing Aksara Jawa - I

Berikut ini Injil Suci menurut St. Markus Bab I dalam aksara Jawa, berdasarkan Alkitab Bahasa Jawa tahun 1981. Menggunakan kaidah penulisan aksara Jawa yang ditetapkan oleh 3 Gubernur. Jika ada masukan mohon dapat disampaikan. Mohon dukungan semoga alih aksara seluruh Injil Markus dapat selesai dengan baik. Terima kasih. Berkah Dalem

1-8 : Nabi Yokanan Pambaptis

꧁ꦤꦚꦶꦪꦺꦴꦑꦤꦤ꧀ꦭꦼꦩ꧀ꦧꦥ꧀ꦠꦶꦱ꧀꧂

꧇꧑꧇꧋ꦲꦶꦏꦶꦮꦶꦮꦶꦠꦤꦺꦆꦚ꧀ꦗꦶꦭꦺꦒꦸꦱ꧀ꦠꦶꦪꦺꦯꦸꦱ꧀ꦏꦿꦶꦱ꧀ꦠꦸꦱ꧀ ꦥꦸꦠꦿꦤꦶꦁꦄꦭ꧀ꦭꦃ꧉

꧇꧒꧇ꦏꦪꦏꦁꦮꦶꦱ꧀ꦏꦠꦸꦭꦶꦱ꧀ꦲꦶꦁꦏꦶꦠꦧꦺꦤꦧꦶꦪꦺꦯꦪ꧇ ꧌ꦭꦃ꧈ꦲꦶꦁꦱꦸꦤ꧀ꦝꦮꦸꦃꦩꦫꦁꦲꦸꦠꦸꦱꦤꦶꦁꦱꦸꦤ꧀ ꦱꦸꦥꦪꦲꦤ꧀ꦝꦶꦱꦶꦏꦶꦱꦶꦫ꧈ꦲꦶꦏꦸꦧꦏꦭ꧀ꦚꦮꦶꦱꦏꦺꦢꦭꦤꦶꦫ꧈꧇꧓꧇ꦲꦤꦱ꧀ꦮꦫꦤꦶꦁꦮꦺꦴꦁꦏꦁ

ꦲꦁꦲꦸꦮꦸꦃꧏꦲꦤꦲꦶꦁꦲꦫꧏꦱꦩꦸꦤ꧀꧇ꦥꦝꦚꦮꦶꦱ꧀ꦤꦩꦂꦒꦶꦤꦶꦁꦥꦔꦺꦫꦤ꧀ ꦊꦚ꧀ꦕꦼꦁꦤꦭꦸꦫꦸꦁꧏꦔꦺ꧉꧍

꧇꧔꧇ꦏꦪꦩꦁꦏꦺꦴꦤꦺꦴꦲꦁꦒꦺꦴꦤꦺꦤꦧꦶꦪꦺꦴꦑꦤꦤ꧀ꦭꦩ꧀ꦧꦭ꧀ꦠꦶꦱ꧀ꦫꦮꦸꦃꦲꦶꦁꦲꦫꧏꦱꦩꦸꦤ꧀ꦭꦤ꧀ꦲꦁꦲꦸꦮꦸꦃꧏ꧇꧌ꦥꦝꦩꦿꦠꦺꦴꦧꦠꦭꦤ꧀ꦥꦝꦏꦧꦥ꧀ꦠꦶꦱ꧈ꦩꦼꦩꦃꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦔꦥꦸꦫꦢꦺꦴꦱꦩꦸ꧉꧍

꧇꧕꧇ꦮꦺꦴꦁꧏꦱꦏꦮꦼꦮꦼꦁꦏꦺꦴꦤ꧀ꦪꦸꦢꦺꦪꦭꦤ꧀ꦏꦧꦺꦃꦏꦁꦩꦁꦒꦺꦴꦤ꧀ꦲꦶꦁꦏꦸꦛꦪꦺꦫꦸꦱꦭꦺꦩ꧀ ꦥꦝꦩꦿꦺꦴꦤꦺꦴꦱꦂꦠꦥꦝꦢꦶꦧꦥ꧀ꦠꦶꦱꦶꦏꦭꦮꦤ꧀ꦔꦏꦺꦴꦤꦶꦱꦏꦺꦲꦶꦁꦢꦺꦴꦱꦤꦺ꧈ꦲꦤꦲꦶꦁꦧꦼꦔꦮꦤ꧀ꦪꦂꦢꦼꦤ꧀꧈

꧇꧖꧇ꦤꦚꦶꦪꦺꦴꦑꦤꦤ꧀ꦔꦒꦼꦩ꧀ꦗꦸꦧꦃꦮꦸꦭꦸꦲꦸꦤ꧀ꦠꦭꦤ꧀ꦥꦤꦶꦁꦱꦼꦠ꧀ꦮꦭꦸꦭꦁ꧈ꦢꦺꦤꦺꦏꦁꦏꦝꦲꦂꦮꦭꦁꦏꦫꦺꦴꦩꦢꦸꦲꦭꦱ꧀꧈

꧇꧗꧇ꦪꦲꦏꦸꦏꦁꦏꦮꦂꦠꦏꦏꦺꦩꦁꦏꦺꦤꦺ꧇꧌ꦱꦮꦶꦱꦺꦲꦏꦸꦧꦏꦭ꧀ꦫꦮꦸꦃꦏꦁꦥꦔꦸꦮꦲꦺꦴꦱꦺꦲꦁꦭꦸꦮꦶꦲꦶꦲꦏꦸ꧉ꦧꦺꦴꦏ꧀ꦠꦸꦩꦸꦁꦏꦸꦭ꧀ꦔꦸꦕꦸꦭꦶꦠꦭꦶꦤꦺꦱꦼꦥꦠꦸꦤꦺꦧꦲꦺꦲꦏꦸꦲꦺꦴꦫꦥꦤ꧀ꦠꦼꦱ꧀꧈

꧇꧘꧇ꦲꦏꦸꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺꦔꦁꦒꦺꦴꦧꦧꦸ꧈ꦤꦔꦶꦁꦥꦚ꧀ꦗꦼꦤꦼꦔꦤꦺꦧꦏꦭ꧀ꦲꦩ꧀ꦧꦥ꧀ꦠꦶꦱ꧀ꦏꦕꦺꦏꦭꦮꦤ꧀ꦫꦃꦱꦸꦕꦶ꧉꧍

9-11 : Gusti Yesus kabaptis dening Nabi Yokanan

꧁ꦒꦸꦱꦠꦶꦪꦺꦯꦸꦱ꧀ꦏꦧꦥ꧀ꦠꦶꦱ꧀ꦢꦺꦤꦶꦁꦤꦚꦶꦪꦺꦴꦑꦤꦤ꧀꧂

꧇꧙꧇ꦤꦭꦶꦏꦱꦩꦤꦒꦸꦱ꧀ꦠꦶꦪꦺꦯꦸꦱ꧀ꦫꦮꦸꦃꦱꦏꦲꦶꦁꦏꦸꦛꦤꦱꦫꦺꦠ꧀ꦲꦶꦁꦠꦤꦃꦒꦭꦶꦭꦺꦪ꧈ꦭꦤ꧀ꦧꦚ꧀ꦗꦸꦂꦢꦶꦧꦥ꧀ꦠꦶꦱ꧀ꦢꦺꦤꦶꦁꦤꦧꦶꦪꦺꦴꦑꦤꦤ꧀ꦲꦤꦲꦶꦁꦧꦼꦔꦮꦤ꧀ꦪꦂꦢꦼꦤ꧀꧈

꧇꧑꧐꧇ꦧꦉꦁꦥꦚ꧀ꦗꦼꦤꦼꦔꦤꦺꦠꦼꦤ꧀ꦠꦱ꧀ꦱꦏꦲꦶꦁꦧꦚꦸ꧈ꦧꦚ꧀ꦗꦸꦂꦥꦶꦂꦱꦭꦔꦶꦠ꧀ꦥꦶꦪꦏ꧀ ꦱꦂꦠꦫꦺꦴꦃꦲꦥꦶꦤ꧀ꦝꦩꦤꦸꦏ꧀ꦢꦫꦠꦸꦩꦼꦝꦏ꧀ꦲꦶꦁꦥꦚ꧀ꦕꦼꦤꦼꦔꦤꦺ꧉

꧇꧑꧑꧇ꦤꦸꦭꦶꦲꦤꦱ꧀ꦮꦫꦱꦏꦲꦶꦁꦱ꧀ꦮꦂꦒꦏꦁꦏꦥꦿꦸꦔꦸꦩꦁꦏꦺꦤꦺ꧇꧌ꦱꦶꦫꦲꦶꦏꦸꦥꦸꦠꦿꦤꦶꦁꦱꦸꦤ꧀ꦏꦁꦱꦸꦤ꧀ꦠꦽꦱ꧀ꦤꦤꦶ꧈ꦏꦁꦢꦢꦶꦏꦥꦉꦔꦶꦁꦥꦁꦒꦭꦶꦲꦶꦁꦱꦸꦤ꧀꧈꧍

12-13 : Gusti Yesus kagodha dening Iblis

꧁ꦒꦸꦱ꧀ꦠꦶꦪꦺꦯꦸꦱ꧀ꦏꦒꦺꦴꦝꦢꦺꦤꦶꦁꦲꦶꦧ꧀ꦭꦶꦱ꧀꧂

꧇꧑꧒꧇ꦱꦮꦶꦱꦺꦲꦏꦸꦒꦸꦱ꧀ꦠꦶꦪꦺꦯꦸꦱ꧀ꦢꦸꦩꦢꦏꦤ꧀ꦏꦠꦸꦤ꧀ꦠꦸꦤ꧀ꦢꦺꦤꦶꦁꦫꦺꦴꦃꦩꦺꦚꦁꦲꦶꦁꦲꦫꧏꦱꦩꦸꦤ꧀꧈

꧇꧑꧓꧇ꦲꦤꦲꦶꦁꦏꦺꦴꦤꦺꦴꦱꦸꦮꦺꦤꦺꦥꦠꦁꦥꦸꦭꦸꦃꦢꦶꦤ꧈ꦏꦒꦺꦴꦝꦢꦺꦤꦶꦁꦲꦶꦧ꧀ꦭꦶꦱ꧀ ꦥꦚ꧀ꦗꦼꦤꦼꦔꦤꦺꦊꦉꦧ꧀ꦲꦤꦲꦶꦁꦱꦠꦼꦔꦲꦶꦁꦱꦠꦺꦴꦲꦭꦱ꧀ ꦱꦂꦠꦢꦶꦭꦢꦺꦴꦱꦶꦢꦺꦤꦶꦁꦥꦫꦩꦭꦲꦺꦏꦠ꧀꧈

14-15 : Gusti Yesus nggelarake Injil ana ing Galilea

꧁ꦒꦸꦱ꧀ꦠꦶꦪꦺꦯꦸꦱ꧀ꦲꦁꦒꦼꦭꦫꦏꦺꦆꦚ꧀ꦗꦶꦭ꧀ꦲꦤꦲꦶꦁꦒꦭꦶꦭꦺꦪ꧂

꧇꧑꧔꧇ꦧꦫꦁꦤꦧꦶꦪꦺꦴꦑꦤꦤ꧀ꦮꦶꦱ꧀ꦏꦕꦼꦥꦼꦁ꧈ꦒꦸꦱ꧀ꦠꦶꦪꦺꦯꦸꦱ꧀ꦫꦮꦸꦃꦲꦶꦁꦠꦤꦃꦒꦭꦶꦭꦺꦪ꧈ꦲꦁꦒꦼꦭꦫꦏꦺꦆꦚ꧀ꦗꦶꦭꦶꦁꦄꦭ꧀ꦭꦃ꧈

꧇꧑꧕꧇ꦥꦔꦤ꧀ꦢꦶꦏꦤꦺ꧇꧌ꦲꦏꦶꦮꦶꦱ꧀ꦠꦼꦏꦤ꧀ꦠꦶꦠꦶꦩꦁꦱꦤꦺ꧈ꦏꦿꦠꦺꦴꦤꦶꦁꦄꦭ꧀ꦭꦃꦮꦶꦱ꧀ꦕꦼꦝꦏ꧀꧈ꦥꦝꦩꦿꦠꦺꦴꦧꦠꦭꦤ꧀ꦥꦿꦕꦪꦲꦩꦫꦁꦆꦚ꧀ꦗꦶꦭ꧀꧈꧍

16-20 : Gusti Yesus wiwit angsal sakabat

꧁ꦒꦸꦱꦠꦶꦪꦺꦯꦸꦱ꧀ꦮꦶꦮꦶꦠ꧀ꦲꦁꦱꦭ꧀ꦱꦏꦧꦠ꧀꧂

꧇꧑꧖꧇ꦤꦭꦶꦏꦒꦸꦱ꧀ꦠꦶꦪꦺꦯꦸꦱ꧀ꦠꦶꦤ꧀ꦢꦏ꧀ꦲꦤꦲꦶꦁꦲꦸꦫꦸꦠ꧀ꦱꦒꦫꦒꦭꦶꦭꦺꦪ꧈ꦩꦶꦂꦱꦯꦶꦩꦺꦴꦤ꧀ꦏꦫꦺꦴꦄꦤ꧀ꦢꦿꦺꦪꦱ꧀ꦠꦢꦸꦭꦸꦫꦺꦯꦶꦩꦺꦴꦤ꧀ ꦭꦒꦶꦥꦝꦤꦶꦧꦏꦏꦺꦗꦭꦲꦶꦁꦱꦒꦫ꧈ꦲꦩꦂꦒꦥꦝꦢꦢꦶꦠꦸꦏꦁꦒꦺꦴꦭꦺꦏ꧀ꦲꦶꦮꦏ꧀꧈

꧇꧑꧗꧇ꦧꦚ꧀ꦗꦸꦂꦥꦝꦢꦶꦢꦝꦮꦸꦲꦶꦒꦸꦱ꧀ꦠꦶꦪꦺꦯꦸꦱ꧀ꦩꦁꦏꦺꦤꦺ꧇꧌ꦲꦪꦺꦴ꧈ꦥꦝꦩꦺꦭꦸꦲꦲꦏꦸ꧈ꦏꦺꦴꦮꦺꦧꦏꦭꦔꦢꦏ꧀ꦢꦢꦺꦏꦏꦺꦠꦸꦏꦁꦒꦺꦴꦭꦺꦏ꧀ꦮꦺꦴꦁ꧉꧍

꧇꧑꧘꧇ꦱꦏꦫꦺꦴꦤꦺꦤꦭꦶꦲꦺꦁꦒꦭ꧀ꦲꦺꦁꦒꦭ꧀ꦤꦶꦁꦒꦭ꧀ꦗꦭꦤꦺꦭꦤ꧀ꦲꦤ꧀ꦝꦺꦫꦺꦏꦏꦺꦥꦚ꧀ꦗꦼꦤꦼꦔꦤꦺ꧉

꧇꧑꧙꧇ꦧꦉꦁꦲꦁꦭꦗꦼꦔꦏꦺꦠꦶꦤ꧀ꦢꦏꦺꦱꦮꦼꦠꦫ꧈ꦒꦸꦱ꧀ꦠꦶꦪꦺꦯꦸꦱ꧀ꦩꦶꦂꦱꦪꦑꦺꦴꦧꦸꦱ꧀ꦲꦤꦏꦺꦗ꦳ꦺꦨꦺꦝꦺꦪꦸꦱ꧀ꦭꦤ꧀ꦪꦺꦴꦑꦤꦤ꧀ꦱꦼꦢꦸꦭꦸꦫꦺꦭꦒꦶꦲꦤꦲꦶꦁꦥꦿꦲꦸꦲꦤ꧀ꦢꦤ꧀ꦢꦤꦶꦗꦭꦤꦺ꧉

꧇꧒꧐꧇ꦱꦏꦫꦺꦴꦤꦺꦤꦸꦭꦶꦲꦺꦁꦒꦭ꧀ꦥꦝꦢꦶꦠꦶꦩ꧀ꦧꦭꦶꦢꦺꦤꦶꦁꦒꦸꦱ꧀ꦠꦶꦪꦺꦯꦸꦱ꧀ ꦭꦤ꧀ꦲꦪꦧꦚ꧀ꦗꦸꦂꦥꦝꦤꦶꦁꦒꦭ꧀ꦗ꦳ꦺꦨꦺꦝꦺꦪꦸꦱ꧀ꦧꦥꦏ꧀ꦤꦺ꧈ꦲꦤꦲꦶꦁꦥꦿꦲꦸꦏꦫꦺꦴꦥꦫꦧꦸꦫꦸꦲꦺ꧈ꦭꦤ꧀ꦧꦚ꧀ꦗꦸꦂꦲꦤ꧀ꦝꦺꦫꦺꦏꦏꦺꦥꦚ꧀ꦗꦼꦤꦼꦔꦤꦺꦴ꧉

21-28 : Gusti Yesus rawuh ing Kapernaum lan nyarasake wong kasurupan

꧁ꦒꦸꦱꦠꦶꦪꦺꦯꦸꦱꦫꦮꦸꦃꦲꦶꦁꦑꦥꦼꦂꦤꦲꦸꦩ꧀ꦭꦤ꧀ꦚꦫꦱꦏꦺꦮꦺꦴꦁꦏꦼꦱꦸꦫꦸꦥꦤ꧀꧂

꧇꧒꧑꧇ꦏꦕꦫꦶꦠꦭꦏꦸꦤꦺꦮꦶꦱ꧀ꦥꦝꦠꦼꦏꦤ꧀ꦲꦶꦁꦏꦸꦛꦑꦥꦼꦂꦤꦲꦸꦩ꧀꧈ꦧꦉꦁꦢꦶꦤꦱꦧꦠ꧀ ꦒꦸꦱꦠꦶꦪꦺꦯꦸꦱ꧀ꦧꦚ꧀ꦗꦸꦂꦠꦶꦤꦢꦏ꧀ꦭꦸꦩꦼꦧꦼꦠ꧀ꦲꦶꦁꦥꦥꦤ꧀ꦥꦔꦶꦧꦢꦃꦭꦤ꧀ꦩꦼꦩꦸꦭꦁ꧉

꧇꧒꧒꧇ꦮꦺꦴꦁꧏꦥꦝꦏꦲꦺꦫꦩꦤ꧀ꦲꦔꦿꦸꦔꦺꦴꦏꦏꦺꦥꦶꦮꦸꦭꦔꦺ꧈ꦲꦩꦂꦒꦲꦁꦒꦺꦴꦤꦺꦥꦫꦶꦁꦥꦶꦮꦸꦭꦁꦲꦶꦏꦸꦏꦪꦏꦁꦏꦒꦸꦔꦤ꧀ꦥꦔꦸꦮꦲꦺꦴꦱ꧀ ꦲꦺꦴꦫꦏꦪꦥꦫꦲꦃꦭꦶꦡꦺꦴꦫꦺꦠ꧀꧈

꧇꧒꧓꧇ꦤꦭꦶꦏꦱꦩꦤꦲꦶꦁꦥꦥꦤ꧀ꦥꦔꦶꦧꦢꦃꦏꦺꦴꦤꦺꦴꦲꦤꦮꦺꦴꦁꦏꦁꦏꦥꦚ꧀ꦗꦶꦔꦤ꧀ꦝꦼꦩꦶꦠ꧀ ꦏꦁꦔꦸꦮꦃꦲꦸꦮꦸꦃ꧇

꧇꧒꧔꧇꧌ꦥꦢꦏꦠꦸꦩꦸꦠ꧀ꧏꦥꦸꦤꦥꦏꦭꦶꦪꦤ꧀ꦏꦮꦸꦭ꧈ꦝꦸꦃꦒꦸꦱꦠꦶꦪꦼꦴꦯꦸꦱ꧀ꦱꦏꦶꦁꦟꦗ꦳ꦫꦺꦠ꧀꧈ꦫꦮꦸꦃꦥꦢꦸꦏꦥꦸꦤꦥꦧꦝꦺꦚꦶꦂꦤꦏꦏꦼꦤ꧀ꦏꦮꦸꦭ꧀꧈ꦏꦮꦸꦭꦩꦁꦉꦠꦺꦴꦱ꧀ꦥꦢꦸꦏꦥꦸꦤꦶꦏꦱꦶꦤ꧀ꦠꦼꦤ꧀꧇ꦲꦶꦁꦏꦁꦲꦱꦶꦥꦠ꧀ꦱꦸꦕꦶ꧈ꦏꦒꦸꦔꦤꦶꦥꦸꦤ꧀ꦄꦭ꧀ꦭꦃ꧉꧍

꧇꧒꧕꧇ꦤꦔꦶꦁꦧꦚ꧀ꦗꦸꦂꦢꦶꦢꦸꦏꦤꦶꦢꦺꦤꦶꦁꦒꦸꦱ꧀ꦠꦶꦪꦺꦯꦸꦱ꧀ ꦥꦔꦤ꧀ꦢꦶꦏꦤꦺ꧇꧌ꦩꦼꦤꦼꦁ꧈ꦩꦼꦠꦸꦮꦱꦏꦮꦺꦴꦁꦲꦶꦏꦸ꧉꧍

꧇꧒꧖꧇ꦮꦺꦴꦁꦏꦁꦏꦥꦚ꧀ꦗꦶꦔꦤ꧀ꦧꦚ꧀ꦗꦸꦂꦏꦕꦼꦕꦼꦔꦤ꧀ꦩꦂꦒꦱꦏꦥꦁꦒꦮꦺꦤꦺꦝꦼꦩꦶꦠ꧀ꦩꦲꦸꦥꦤ꧀ꦗꦼꦫꦶꦠ꧀ꧏꦤꦸꦭꦶꦩꦼꦠꦸꦱꦏꦮꦺꦴꦁꦩꦲꦸ꧉

꧇꧒꧗꧇ꦏꦧꦺꦃꦮꦺꦴꦁꦥꦝꦱꦸꦩ꧀ꦊꦉꦔꦼꦤ꧀ ꦔꦤ꧀ꦠꦶꦥꦝꦠꦏꦺꦴꦤ꧀ꦠꦶꦤꦏꦺꦴꦤ꧀꧌ꦲꦥꦠꦲꦶꦏꦶ꧉ꦥꦶꦮꦸꦭꦁꦲꦚꦂꦏꦒꦪꦫꦏꦺꦏꦤ꧀ꦛꦶꦥꦔꦸꦮꦱ꧉ꦢꦭꦃꦝꦼꦩꦶꦠ꧀ꧏꦢꦶꦥꦿꦺꦤ꧀ꦠꦃꦥꦝꦤꦸꦫꦸꦠ꧀꧈꧍

꧇꧒꧘꧇ꦥꦮꦂꦠꦧꦧ꧀ꦥꦚ꧀ꦗꦼꦤꦼꦔꦤꦺꦲꦶꦏꦶꦧꦚ꧀ꦗꦸꦂꦲꦺꦁꦒꦭ꧀ꦱꦸꦩꦼꦧꦂꦠꦼꦏꦤ꧀ꦔꦼꦤꦢꦶꦲꦺꦤ꧀ꦢꦶꦲꦤꦲꦶꦁꦮꦼꦮꦼꦁꦏꦺꦴꦤ꧀ꦓꦭꦶꦭꦺꦪ꧉

29-34 : Gusti Yesus nyarasake ibune maratuwa Petrus lan wong-wong liyane

꧁ꦒꦸꦱ꧀ꦠꦶꦪꦺꦯꦸꦱ꧀ꦚꦫꦱꦏꦺꦲꦧꦸꦤꦺꦩꦫꦠꦸꦮꦦꦺꦠꦿꦸꦱ꧀ꦭꦤ꧀ꦮꦺꦴꦁꧏꦭꦶꦪꦤꦺ꧂

꧇꧒꧙꧇ꦱꦮꦶꦱꦺꦱꦏꦥꦥꦤ꧀ꦥꦔꦶꦧꦢꦃꦧꦚ꧀ꦗꦸꦂꦥꦝꦩꦼꦚꦁꦲꦺꦴꦩꦲꦺꦯꦶꦩꦺꦴꦤ꧀ꦭꦤ꧀ꦄꦤ꧀ꦢꦿꦺꦪꦱ꧀ ꦏꦫꦺꦴꦪꦑꦺꦴꦧꦸꦱ꧀ꦭꦤ꧀ꦪꦺꦴꦑꦤꦤ꧀꧈

꧇꧓꧐꧇ꦲꦶꦧꦸꦤꦺꦩꦫꦠꦸꦮꦯꦶꦩꦺꦴꦤ꧀ꦔꦭꦺꦭꦺꦃꦲꦶꦁꦥꦠꦸꦫꦺꦴꦤ꧀ ꦗꦭꦫꦤ꧀ꦭꦫꦥꦤꦱ꧀ꦠꦶꦱ꧀꧈ꦠꦸꦱꦠꦶꦪꦺꦯꦸꦱ꧀ꦧꦚ꧀ꦗꦸꦂꦢꦶꦲꦠꦸꦫꦶꦲꦸꦤꦶꦔꦧꦧ꧀ꦭꦫꦤꦺꦲꦶꦏꦸ꧉

꧇꧓꧑꧇ꦏꦁꦭꦫꦧꦚ꧀ꦗꦸꦂꦢꦶꦫꦮꦸꦲꦶ꧈ꦠꦔꦤꦺꦢꦶꦲꦱ꧀ꦠꦭꦤ꧀ꦢꦶꦠꦔꦺꦏꦏꦺ꧉ꦥꦝꦱꦤꦭꦶꦏꦲꦶꦭꦁꦊꦭꦫꦤꦺ꧈ꦛꦚ꧀ꦗꦸꦂꦔ꧀ꦭꦢꦺꦤꦶꦠꦩꦸꧏꦤꦺ꧉

꧇꧓꧒꧇ꦧꦉꦁꦱꦺꦴꦫꦺ꧈ꦱꦱꦸꦫꦸꦥꦶꦁꦱꦽꦔꦺꦔꦺ꧈ꦮꦺꦴꦁꧏꦏꦁꦭꦫꦭꦤ꧀ꦏꦁꦏꦱꦸꦫꦸꦥꦤ꧀ꦝꦼꦩꦶꦠ꧈ꦥꦝꦢꦶꦱꦺꦴꦮꦤꦏꦺꦏꦧꦺꦃꦩꦫꦁꦔꦂꦱꦤꦺꦒꦸꦱ꧀ꦠꦶꦪꦺꦯꦸꦱ꧉

꧇꧓꧓꧇ꦮꦺꦴꦁꦱꦏꦸꦛꦏꦧꦺꦃꦥꦝꦏꦸꦩꦿꦸꦧꦸꦠ꧀ꦲꦤꦲꦶꦁꦔꦉꦥ꧀ꦭꦮꦁ꧉

꧇꧓꧔꧇ꦒꦸꦱ꧀ꦠꦶꦪꦺꦯꦸꦱ꧀ꦧꦚ꧀ꦗꦸꦂꦚꦫꦱꦏꦺꦮꦺꦴꦁꧏꦏꦁꦥꦝꦤꦤ꧀ꦝꦁꦊꦭꦫꦮꦂꦤꧏꦭꦤ꧀ꦤꦸꦤ꧀ꦝꦸꦔꦶꦝꦼꦩꦶꦠ꧀ꦲꦏꦺꦃ꧉ꦝꦼꦩꦶꦠ꧀ꧏꦲꦶꦏꦸꦲꦺꦴꦫꦢꦶꦥꦉꦔꦏꦺꦕꦼꦭꦛꦸ꧈ꦗꦭꦫꦤ꧀ꦮꦶꦱ꧀ꦥꦝꦔꦽꦠꦶꦩꦫꦁꦥꦚ꧀ꦗꦼꦤꦼꦔꦤꦺ꧉

35-39 : Gusti Yesus memulang ana ing kutha-kutha liyane

꧁ꦒꦸꦱ꧀ꦠꦶꦪꦺꦯꦸꦱ꧀ꦩꦼꦩꦸꦭꦁꦲꦤꦲꦶꦁꦏꦸꦛꧏꦭꦶꦪꦤꦺ꧂

꧇꧓꧕꧇ꦧꦉꦁꦧꦔꦸꦤ꧀ꦲꦺꦱꦸꦏ꧀ ꦤꦭꦶꦏꦲꦶꦱꦶꦃꦥꦼꦠꦼꦁ꧈ꦒꦸꦱ꧀ꦠꦶꦪꦺꦯꦸꦱ꧀ꦮꦸꦔꦸꦭꦤ꧀ꦧꦚ꧀ꦕꦸꦂꦩꦶꦪꦺꦴꦱ꧀ ꦠꦸꦩꦸꦭꦶꦠꦶꦤ꧀ꦢꦏ꧀ꦥꦁꦒꦺꦴꦤꦤ꧀ꦏꦁꦱꦼꦥꦶꦭꦤ꧀ꦲꦤ꧀ꦢꦼꦢꦺꦴꦔꦲꦤꦲꦶꦁꦏꦺꦴꦤꦺꦴ꧉

꧇꧓꧖꧇ꦯꦶꦩꦺꦴꦤ꧀ꦭꦤ꧀ꦏꦚ꧀ꦕꦏꦚ꧀ꦕꦤꦺꦲꦪꦧꦚ꧀ꦗꦸꦂꦤꦸꦱꦸꦭ꧀꧈

꧇꧓꧗꧇ꦧꦫꦁꦮꦶꦱ꧀ꦏꦼꦠꦼꦩꦸꦥꦝꦩꦠꦸꦂ꧇꧌ꦱꦢꦪꦥꦝꦱꦩꦶꦩꦢꦺꦴꦱꦶꦥꦢꦸꦏ꧉꧍

꧇꧓꧘꧇ꦥꦫꦶꦁꦮꦁꦱꦸꦭꦤꦺ꧇꧌ꦲꦪꦺꦴꦥꦝꦩꦼꦚꦁꦥꦁꦒꦺꦴꦤꦤ꧀ꦭꦶꦪꦤꦺ꧈ꦩꦼꦚꦁꦲꦶꦁꦏꦸꦛꧏꦱꦶꦁꦕꦝꦏ꧀ ꦲꦏꦸꦲꦉꦥ꧀ꦲꦁꦒꦼꦭꦫꦏꦺꦆꦚ꧀ꦗꦶꦭ꧀ꦩꦿꦺꦴꦤꦺꦴꦲꦸꦒ꧈ꦲꦩꦂꦒꦲꦶꦪꦲꦶꦏꦸꦥꦽꦭꦸꦤꦺꦲꦁꦒꦺꦴꦤ꧀ꦏꦸꦠꦼꦏ꧉꧍

꧇꧓꧙꧇ꦥꦚ꧀ꦗꦼꦤꦼꦔꦤꦺꦧꦚ꧀ꦗꦸꦂꦲꦤ꧀ ꦱ꧀ꦭꦗꦲꦶꦠꦤꦃꦓꦭꦶꦭꦺꦪꦏꦧꦺꦃꦭꦤ꧀ꦲꦁꦒꦼꦭꦫꦏꦺꦆꦚ꧀ꦗꦶꦭ꧀ꦲꦤꦲꦶꦁꦥꦥꦤ꧀ꧏꦥꦔꦶꦧꦢꦃꦲꦶꦁꦏꦺꦴꦤꦺꦴꦱꦂꦠꦤꦸꦤ꧀ꦝꦸꦔꦶꦝꦼꦩꦶꦠ꧀꧈

40-45 : Wong lara budhugen kawarasake

꧁ꦮꦺꦴꦁꦭꦫꦧꦸꦝꦸꦒꦼꦤ꧀ꦏꦱꦫꦱꦏꦺ꧂

꧇꧔꧑꧇ꦠꦸꦩꦸꦭꦶꦲꦤꦮꦺꦴꦁꦭꦫꦧꦸꦝꦸꦒꦼꦤ꧀ꦱꦺꦴꦮꦤ꧀ꦲꦶꦁꦔꦂꦱꦤꦺꦒꦸꦱ꧀ꦠꦶꦪꦺꦯꦸꦱ꧈ꦧꦚ꧀ꦗꦸꦂꦗꦺꦁꦏꦺꦁꦚꦸꦮꦸꦤ꧀ꦠꦸꦭꦸꦁꦩꦫꦁꦥꦚ꧀ꦗꦼꦤꦼꦔꦤꦺ꧈ꦲꦠꦸꦫꦺ꧇꧌ꦩꦤꦮꦶꦥꦢꦸꦏꦏꦂꦱ꧈ꦠꦩ꧀ꦠꦸꦱꦒꦼꦢ꧀ꦲꦩ꧀ꦧꦶꦫꦠ꧀ꦤꦗꦶꦱ꧀ꦏꦮꦸꦭ꧉꧌

꧇꧔꧑꧇ꦒꦸꦱ꧀ꦠꦶꦪꦺꦯꦸꦱꦠꦽꦚꦸꦃꦲꦶꦁꦒꦭꦶꦃꦩꦂꦒꦱꦏꦮꦼꦭꦱ꧀ ꦧꦚ꧀ꦗꦸꦂꦩꦸꦭꦸꦁꦲꦱ꧀ꦠꦤꦺ꧈ꦲꦤ꧀ꦢꦼꦩꦺꦏ꧀ꦩꦫꦁꦮꦺꦴꦁꦩꦲꦸꦱꦂꦠꦔꦤ꧀ꦢꦶꦏ꧇꧌ꦲꦏꦸꦏꦂꦱ꧈ꦧꦶꦫꦠꦤꦗꦶꦱ꧀ꦩꦸ꧉꧍

꧇꧔꧒꧇ꦱꦤꦭꦶꦏꦲꦶꦏꦸꦲꦶꦭꦁꦊꦭꦫꦤꦺꦧꦸꦝꦸꦒ꧀ꦠꦼꦩꦃꦮꦶꦱ꧀ꦧꦶꦫꦠ꧀ꦤꦗꦶꦤꦺ꧉

꧇꧔꧓꧇ꦮꦺꦴꦁꦩꦲꦸꦧꦚ꧀ꦗꦸꦂꦏꦝꦮꦸꦲꦤ꧀ꦭꦸꦔꦏꦤ꧀ꦛꦶꦏꦮꦼꦭꦶꦁꦮꦤ꧀ꦠꦶꧏ꧇

꧇꧔꧔꧇꧌ꦥꦺꦴꦩ꧈ꦲꦗꦥꦶꦱꦤ꧀ꧏꦏꦤ꧀ꦝꧏꦧꦧ꧀ꦲꦶꦏꦶꦩꦫꦁꦱꦥꦧꦲꦺ꧈ꦤꦔꦶꦁꦭꦸꦔꦲ꧈ꦲꦮꦏ꧀ꦩꦸꦠꦸꦢꦸꦃꦤꦩꦫꦁꦲꦶꦩꦩ꧀ ꦱꦂꦠꦕꦲꦺꦴꦱ꧀ꦤꦥꦶꦱꦸꦁꦱꦸꦁꦧꦶꦫꦠꦶꦁꦤꦗꦶꦱ꧀ꦩꦸ꧈ꦏꦪꦏꦁꦮꦶꦱ꧀ꦏꦝꦮꦸꦲꦏꦺꦢꦺꦤꦶꦁꦤꦧꦶꦩꦸꦯ꧈ꦩꦶꦤꦁꦏꦥꦱꦼꦏ꧀ꦱꦶꦩꦫꦁꦮꦺꦴꦁꦏꦧꦺꦃ꧉

꧇꧔꧕꧇ꦲꦺꦮꦢꦺꦤꦺꦮꦺꦴꦁꦩꦲꦸꦱꦲꦸꦤ꧀ꦢꦸꦫꦺꦧꦚ꧀ꦗꦸꦂꦩꦂꦠꦩꦂꦠꦏꦏꦺꦊꦭꦏꦺꦴꦤ꧀ꦩꦲꦸ꧈ꦢꦶꦱꦸꦮꦸꦫꦏꦺꦩꦼꦚꦁꦲꦶꦁꦔꦼꦤ꧀ꦢꦶꦲꦼꦤ꧀ꦢꦶ꧈ꦱꦠꦼꦩꦃꦒꦸꦱ꧀ꦠꦶꦪꦺꦯꦸꦱ꧀ꦲꦺꦴꦫꦧꦶꦱꦏꦤ꧀ꦛꦶꦔꦺꦝꦺꦁꦭꦸꦩꦼꦧꦼꦠ꧀ꦲꦶꦁꦏꦸꦛ꧉ꦥꦚ꧀ꦗꦼꦤꦼꦔꦤꦺꦊꦉꦥ꧀ꦲꦤꦲꦶꦁꦗꦧ꧈ꦲꦤꦲꦶꦁꦥꦁꦒꦺꦴꦤꦤ꧀ꧏꦏꦁꦱꦼꦥꦶ꧈ꦤꦔꦶꦁꦮꦺꦴꦁꧏꦱꦏꦔꦼꦤ꧀ꦢꦶꦲꦼꦤ꧀ꦢꦶꦲꦪꦩꦼꦏ꧀ꦱꦥꦝꦱꦺꦴꦮꦤ꧀ꦩꦼꦧꦁꦲꦶꦁꦔꦂꦱꦤꦺ꧉